Published :
ଓଟିଭି
/
15-Mar-2017
ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଦିଲ୍ଲୀଠାରେ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀ ଶ୍ରୀ ଜେ ପି ନାଡ୍ଡା ଙ୍କୁ ସାକ୍ଷାତ କରି ଭୁବନେଶ୍ବର, ବୁର୍ଲ୍ଲା , ବ୍ରହ୍ମପୁର ଓ କଳାହାଣ୍ଡି ଠାରେ ୪ ଟି କର୍କଟ ଚିକିତ୍ସା କେନ୍ଦ୍ର ପ୍ରତିଷ୍ଠା କରିବା ପାଇଁ ଆର୍ଥିକ ସହାୟତା ଯୋଗାଇ ଦେବା ପାଇଁ ଦାବୀ କରିଛନ୍ତି। ସଂସଦ ଭବନଠାରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରୀଙ୍କ ସହ ଆଲୋଚନା କଲାବେଳେ ଦର୍ଶାଇଛନ୍ତି ଯେ, ବାରିପଦା ଓ କୋରାପୁଟ, ଦୁଇଟି ମେଡିକାଲ କଲେଜରେ ୨୦୧୭-୧୮ ଶିକ୍ଷା ବର୍ଷରୁ ଶିକ୍ଷାଦାନ ଆରମ୍ଭ ହେବ ତେଣୁ ସେହି ଦୁଇଟି ମେଡିକାଲ କଲେଜ ପାଇଁ ଅନୁମତି ପତ୍ର ପ୍ରଦାନ କରିବାକୁ ଦୃଷ୍ଟି ଆକର୍ଷଣ କରିଥିଲେ। ଏତଦ୍ ବ୍ୟତୀତ ବାରିପଦା, କୋରାପୁଟ, ବାଲେଶ୍ବର , ବଲାଙ୍ଗୀର ଓ ପୁରୀ ମେଡିକାଲଜ ପ୍ରତିଷ୍ଠା କ୍ଷେତ୍ରରେ କେନ୍ଦ୍ରୀୟ ଅଂଶ ବାବଦକୁ ଥିବା ୩୯୭ କୋଟି ଟଙ୍କା ପ୍ରଦାନ କରିବା ପାଇଁ କେନ୍ଦ୍ର ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ।